Персаналіі → Персаналія:

Мазюк І. В.

Скончыла Беларускую дзяржаўную акадэмію мастацтваў у 1995 г. па спецыяльнасці «мастацкі тэксыль».
Працуе ў Беларускай дзяржаўнай акадэміі мастацтваў з 1995 г., старшы выкладчык.

Старшы выкладчык, выкладае дысцыпліны:
«Канструяванне тканін», «Матэрыялазнаўства і тэхналогіі ў тэкстылі», «Колер у тэкстылі», «Праца ў матэрыяле», «Дэкаратыўная пластыка і архітэктоніка ў тэкстылі», кіруе распрацоўкай дыпломных праектаў.

Даследуе традыцыйныя мастацтвы беларусаў: тэкстыль, этнічнае спеўнае выканальніцтва. Як мастак працуе ў галіне дэкаратыўна-прыкладнога мастацтва і сцэнічнага касцюма. Удзельніца рэспубліканскіх выстаў.

Творчыя дасягненні.
Распрацоўка і выкананне касцюмаў і сцэнічных дэкарацый да спектакляў фальклор-тэатра «Госьціца» (спектакль «Свадзебка» (І. Стравінскі), рэж. паст. Л. Сімаковіч, 2008 г. Міжнародны фестываль мастацтваў «Мінская вясна-2008» да 70-годдзя Беларускай дзяржаўнай філармоніі; музычны спектакль «Песня пра долю», 2011 г., Беларуская дзяржаўная філармонія, і інш).

Член ГА «Беларускі саюз музычных дзеячоў». Укладальнік, складальнік аўдыёдыскаў, сярод якіх – дыскі да 4, 5, 6 тамоў 6-томнага выдання «Традыцыйная мастацкая культура беларусаў», узнагароджанага Спецыяльнай прэміяй Прэзідэнта Рэспублікі Беларусь (2014).