Персаналіі → Персаналія:

Вянгура Ганна Паўлаўна

Вянгура Ганна Паўлаўна (1912–2003), спявачка і расказчыца, носьбітка мастацкіх традыцый Тураўшчыны (в. Тонеж, Лельчыцкі раён). Народная лекарка. .<...> "Арганізатар, запявала, падводка ў спантанных гуртах тонежскіх спявачак. Паводле ацэнкі аднавяскоўцаў, "баба Ганна ўсё чыста ведае – колішнія векавечныя і цяперашнія песні... Можа і сама здумляць казкі, загадкі". У 1930-я гг. у час палескіх экпедыцый пецярбургскія даследчыкі Я. Гіпіус і З. Эвальд запісалі ад В. шмат песень, частка з якіх увайшла ў зборнік "Беларускія народныя песні" (1941) серыі "Песні народаў СССР". У 1960–1990-я гг. З. Мажэйка запісала ад В. больш за 100 песень, легенд, мясцовых павер'яў, апавяданняў аб падзеях ваеннага часу. Песні В. у адзіночным і ансамблевым выкананні гучаць на дыску "Музычны фальклор беларускага Палесся" (1988) і ў аўдыяанталогіі "Беларускі музычны фальклор" (1990). Яна адна з галоўных гераінь (расказчыца, спявачка, карагодніца) у 7 этнамузычных кінастужках па сцэнарыях З. Мажэйка". (Беларускі фальклор: энцыклапедыя, Мінск, 2005)