Фальклор → Фальклорная адзінка:
У нядзеленьку поранесеньку / песня, тэкст,ноты — в. Тонеж, Лельчыцкі раён
- ::
- У нядзеленьку поранесеньку / песня, тэкст,ноты — в. Тонеж, Лельчыцкі раён
- Загаловак / інцыпіт
- У нядзеленьку поранесеньку
- Від песня
- Выкананне аўтэнтыка
- Змест тэкст ноты
- Статус у працэсе апрацоўкі
- Выявы (сканы, ноты, схемы)
- Жанры, тэмы, тэгі
- Апісанне
“як ходзяць у каляднікі”
- Поўны тэкст
- 1. У нядзеленьку пoранесеньку,
Святы вечар!
Пазагадвалі ўсім на вайнонку.
2. У каго сынок е, то няхай ідзе.
У каго нямае, няхай наймае.
3. Ой, буў у ўдоўкі адзін сыночак.
Ой, яна яго ў войско [а]дпраўляла.
У войско [а]дпраўляла, да й навучала:
4. — Не ездь, сыночку, попярэд войска,
Пoпярэд войска, ні назад войска.
Да ездь, сыночку, посярэд войска.
5. Ой, сын матухну да й не паслухаў,
Попярэд войска канём поехаў.
6. Перад каралём ўхваляўся канём,
Перад панічом ўхваляўся мячом,
Перад гайдуком ўхваляўся луком:
7. — Няма ў караля такого каня,
Няма ў паніча такого мяча,
Няма ў гайдука такого лука!
8. Як угледзеў то сам старэйшы цар:
— Ой, каб жа я знаў, чый сын ваяваў,
Ой, то я б яму поўцарства аддаў,
Шчэ й цароўначку, царову дачку.
1. Слаўны панічык, панічык Васілько,
Святы вечор!
На коне едзе, з конем гаворыць:
2. — Ой, коню, коню, я продам цябе,
Я продам цябе ў чужу сторону,
Ў чужу сторону, чужому пану.
3. — Не продай мяне, ды здумай ты тэ,
Як булі цябе туркі обнялі,
Туркі обнялі, шчэ й з татарамі.
4. А я і скочыў, ды й пераскочыў,
Не замачыў я ні ясень сядла,
Ні ясень сядла, ні цябе, малойца.
1. Ой, за лугамі да й за барамі,
Святы вечор!
Ой, там Васілько нівачку арэ,
Нівачку арэ, сам барануе.
2. Прыйшоў да яго баценька яго:
— Ары, сыночак, гэту нівачку.
3. Да пасеемо жыта-пшаніцу,
Жыта-пшаніцу, ўсяку пашніцу.
4. Скарэй дарыце, нас не барыце ,
Кароткі світкі, памерзлі лыткі.
1.
Пане-гаспадар, бог цябе заве,
Святы вечор!
Бог цябе заве, дар табе дае.
2.
Дар табе дае, валы паруе,
Паруе валы ўсё палавыя,
Усё палавыя, ўсё вараныя.
3.
Пане-гаспадар, бог цябе заве,
Бог цябе заве, дар табе дае.
4.
Дар табе дае, коні стайлуе,
Стайлуе коні на тры стайненькі,
А вараныя ды й на чатыры.
5.
Пане-гаспадар, бог цябе заве,
Бог цябе заве, дар табе дае.
6.
Дар табе дае, стажкі шаруе.
Шаруе стажкі ў тры шарачкі,
А пшанічныя ды й у чатыры.
7.
Пане-гаспадар, бог цябе заве,
Бог цябе заве, дар табе дае.
8.
Дар табе дае, сям’ю роўнюю,
Сям’ю роўную, ўсё маладую,
Усё маладую, ўсё пакорную.
9.
Ужо ж мы песеньку да й даспявалі,
Святыя празнічкі да й праваджалі.
10.
Адзін празнічак — святое ражджаство,
Другі празнічак — Новы гадочак,
Трэці празнічак — свято хрышчэнне.
11.
Свято ражджаство развясіліло,
У Новы гадочак ўсіх панавіло,
Свято хрышчэнне ўсіх пахрысціло.
1.
Ой у полі, у полі па край дарогі,
Святы вечор!
Там явор стаяў тонкі-вусокі.
2.
Тудою ішла Колькова маці,
Колькова маці Колькі шукала.
3.
Да стрэла яна тры сьеціцеля,
Тры сьеціцеля, тры крэсціцеля.
4.
— Ці не бачылі мого сыночка,
Мого сыночка, сынка Колечкі?
5.
Ох, адзін кажа — мы ж не бачылі,
А другі кажа — мы й чуць не чулі.
6.
А трэці кажа — мы й покаймоса,
Кольковай маці да прызнаймоса.
7.
— Да твой сыночак па месту ходзіць,
Правою ручкай паненку водзіць,
У левай ручцы тройзелле носіць.
8.
Адно зеллейко — што ад бацькі,
Другое зеллейко — што ад матухны,
Трэцяе зеллейко — што ад панёнкі.
9.
Што ад бацькі — то жаніціса,
Што ад матухны — то вянчаціса,
Што ад панёнкі — жыці да быці.
1.
Ой, рано-рано куры попелі,
Святы вечор!
2.
Ой, шчэ пораньше Іванько устаў,
Іванько устаў, па сенях похадзіў.
3.
Па сенях похадзіў, звонцэм позваніў.
Звонцэм пазваніў, брацьеў побудзіў:
4.
— Ставайце, брацце, коні сядлайце,
Да поедэмо ў чыстое поле.
5.
У чыстое поле на палёванне,
На палёванне, на погулянне.
6.
Да заб’емо мы вялікого звера,
Да пазбіваем золотыя рогі.
7.
Да прыб’емо мы к новой сценотцы,
К новой сценотцы, к ясной светлоньцы.
8.
Роднаму баценьку вешаць шапочку,
Роднай матухне вешаць наметку.
9.
Роднаму братку вешаць ручніцку,
Роднай сястрыцы вешаць спадніцы.
1.
Ой, рано, рано куры попелі,
Святы вечор!
2.
А раней того Ганначка ўстала,
Ганначка ўстала, коску часала,
Коску чэсала да й заплятала.
3.
Прышло ж да яе тры турчаначкі,
Да й загадалі тры загадачкі.
4.
— Як адгадаеш, бацькава будзеш.
Не адгадаеш — то наша будзеш.
5.
Ой што ж то расце да й без кораня,
Ой што ж то гарыць да й без полымя,
Ой што ж то гудзе без буйна ветру?
6.
— Сіні камень расце да й без кораня,
Зорачка гарыць да й без полымя,
Стрэлачка гудзе без буйна ветру.
7.
— Слухай, Ганначка, за гэтым словом,
За гэтым словом, жыві здорова.
8.
Жыві здарова з атцом, з маткою,
З добрымі людзьмі, з каляднічкамі.
1.
Ой ты, бабочко, стара галочко,
Святы вечор!
На печы сядзі, салому таўчы.
2.
Салому таўчы — пірагі пячы,
А сена смажаць — пірагі мазаць.
3.
Чорны валішча, той дроў прывязе,
А помялішчэ, то печ замяце.
4.
А качаржышчэ, то жар заграбе,
А дзеркачышчэ — хату прыбярэ.
5.
А ты, бабочко, стара галочко,
На печы сядзі, чырвонцы лічы. - Ад каго запісана
- Хто запісаў
- Год ці дэкада запісу (калі невядома, то першай публікацыі)
- Выданні, дзе публікавалася
- Карта
- Месца паходжання
Каментароў — 0
Маеце пытанне ці заўвагу? Напішыце ў каментары. Звяртаем увагу, што каментары са спасылкамі і ад неаўтарызаваных аўтараў прэмадэруюцца.