Фальклор → Фальклорная адзінка:
Да було ж у бацькі да дзевяць сыноў / песня, тэкст,ноты — в. Тонеж, Лельчыцкі раён
- ::
- Да було ж у бацькі да дзевяць сыноў / песня, тэкст,ноты — в. Тонеж, Лельчыцкі раён
- Загаловак / інцыпіт
- Да було ж у бацькі да дзевяць сыноў
- Від песня
- Выкананне аўтэнтыка
- Змест тэкст ноты
- Статус у працэсе апрацоўкі
- Выявы (сканы, ноты, схемы)
- Жанры, тэмы, тэгі
- Апісанне
“За кудзеляй, можна і за калыскай”
- Поўны тэкст
- 1. Да було ж ў бацькі ж да дзевяць сыноў,
Да дзевяць сыноў, дзесята ж дачка.
2. Ой, сыны ж ўзраслі, ў разбой пайшлі,
А Марусечку замуж аддалі. *
3. А Марусечку замуж аддалі, Замуж аддалі за крамарыка.
4. Ой, жыла годзік, да й жыла другі,
На трэці годзік да й саскучыла.
5. На трэці годзік да й саскучыла,
Ды й да баценькі ды й паехала.
6. Ой, едуць поле, ой, едуць другэ, На трэцім полі да трэба ж стаці.
7. На трэцім полі да трэба ж стаці,
Да трэба стаці, да й начуваці.
8. Ой, крамарычак да й агонь кладзе, А Марусечка да й дровы носіць.
9. -Ой, крамарыку, што то лес шуміць,
Ой, Марусечка, то ж арол ляціць.
10. — Ой, крамарыку, не арол ляціць, Ой, крамарыку, то ж разбой бяжыць.
11. — Ой, разбойнічкі, мае брацейкі, Вы ж бярыце грошы не лічыўшы.
12. Вы бярыце грошы не лічыўшы,
Вы пусціце нас да й не мучаўшы.
13. — Мы грошы возьмем, да й полічымо,
Мы не пусцім вас, да й замучымо.
14. — Ой, разбойнічкі, мае брацейкі, Вы бярыце сукно, не мераўшы.
15. Вы бярыце сукно, не мераўшы, Вы пусціце ж нас, не рэзаўшы.
16. — Мы сукно возьмем — померымо, Вас не пусцім - зарэжымо.
17. Ой, крамарыка да й зарэзалі, А Марусечку з сабой ўзялі.
18. Ой, едуць поле, ой, едуць другэ, На трецім полі да трэба ж стаці.
19. На трэцім полі да трэба ж стаці,
Да трэба стаці, да й начуваці.
20. А разбойнічкам ў карты іграці,
А Марусечцы пасцель слаці.
21. Ой, Марусечка пасцель сцеле,
Ой, пасцель сцеле, да й важко дышэ.
22. Ой, пасцель сцеле, да й важко дышэ, Да й важко дыше, да й сільно плачэ.
23. Ой, старшы ж браток путаецца:
- Ой, чаго, дзеўка, так важко дышэш?
24. Ой, чаго, дзеўка, так важко дышэш, Так важко дышэш, сільно плачеш?
25. Ой, меньшы браток путаецца:
- Ой, скуль ты, дзеўка, скуль ты родам?
26. — Ой, і родам я да з Чарнігава
— А чыя ж, дзеўка, — Сяргеева.
27. — Ох і, браточкі, што ж наробілі, Мы сваю сястру заўдовілі.
28. Ой, ідзі, сястра, гукаючы, Да сабе пары да й шукаючы. - Ад каго запісана
- Хто запісаў
- Год ці дэкада запісу (калі невядома, то першай публікацыі)
- Выданні, дзе публікавалася
- Карта
- Месца паходжання
Каментароў — 0
Маеце пытанне ці заўвагу? Напішыце ў каментары. Звяртаем увагу, што каментары са спасылкамі і ад неаўтарызаваных аўтараў прэмадэруюцца.