Аўдыётэка → Аўдыё выданне:

Песні і музыка Пудляшша і Полесся. Жэмэрва і сэстры Лук'яновічы

Песні і музыка Пудляшша і Полесся [Гуказапіс] / [выконваюць:] Жэмэрва і сэстры Лук'яновічы : Stowarzyszenie Muzeum Małej Ojczyzny w Studziwodach, 2010
2 гук. дыска (34 хвіл. 41 сек., 61 хвіл. 51 сек.) ; 12 см, у футляры

У альбоме два кампакт-дыскі. На адным тон задае маладзёжны фальклорны ансамбль «Жэмэрва» з Бельска Падляшскага, на другім – трыа сясцёр Лук´яновіч з-пад нашага Драгічына. Гэтыя творчыя суполкі сталі як бы тварамі фальклорных Падляшша і Палесся. Побач з фолк-зоркамі памежжа знайшлося месца і іншым выканаўцам: групе «Крыўчанкі» з Падляшша і «Чабатухам» са Сташан Пінскага раёна. Шэраг песень выконваюць і жыхары вёскі Леснікі Драгічынскага раёна – радзімы сясцёр Лук´яновіч. Прычым першым гучыць з дыска голас іхняй бабулі Зосі.

Ёсць тут і падарунак аматарам інструментальнай музыкі. Можна пачуць танец «Абэрак» у выкананні Адольфа Жукоўскага – апошняга на Бельшчыне майстра ігры на педальным гармоніку. Акардэон (Дарафей Фіёнік) і скрыпка (Мацей Філіпчук) запрашаюць на вальс, якому музыканты навучыліся ў вёсцы Збуч Чыжоўскай гміны. Берасцейшчыну прадстаўляюць з чатырма танцамі вясковыя музыкі з гурта «Вярэнька» (в. Стахава Столінскага раёна). Вы калі-небудзь чулі польку Шабасуўку? То-та ж!

Запісы зроблены ў мешчанскім доме Студзіводскага музея, Бельскім доме культуры, на экспедыцыі ў Лесніках (2009 г.) і пленэры Пудляшска-Палескага фестывалю "Там по маёвуй росі" (2006—2010)
Пры афармленні вокладцы выкарыстаны фатаграфіі работ М. Тарасюка "Скрыпка" і "Вэчуркі"
Тэкст на ўкладышы Д. Фіёніка

Выканаўцы: фальклорны ансамбль "Жэмерва", група "Крывчанкі", "Чабатухі" са Сташан к. Пінска; сёстры Лук'яновічы : С. Лук'яновіч з Лесніков, С. Новік, А. Давідовіч, В. Лук'яновіч, М. Новік, М. Давідовіч, С. Лаврыновіч з Лесніков, С. Жолнерчык, Л. Нікітіч, А. Бобель, Т. Жолнерчык, Е. Бобель з Лесніков, капэла музыкаў "Вэрэнька" со Стахова Столінскага раёну