Аўдыётэка → Аўдыё выданне:
Этнапесенныя традыцыі Беларусі ў экспедыцыйна-палявых запісах Л. С. Мухарынскай
Вокладка
Апісанне
Раскрыццё панарамы музычных этнакультур Беларусі працягваюць дзве аўдыякалекцыі, аб’яднаныя назвай "Этнапесенныя традыцыі Беларусі ў экспедыцыйна-палявых запісах Л. С. Мухарынскай" (2012; складанне музычнай часткі – К. Крывашэйцава, Т. Бярковіч; транскрыпцыя напеваў і песенных тэкстаў, камп’ютарны набор – К. Крывашэйцава, В. Прыбылова; аўтары ўступнага артыкула – Т. Якіменка, Т. Бярковіч, пераклад на англ. мову ўступнага артыкула – Т. Канстанцінава; рэстаўрацыя гуказапісаў і мастэрынг – С. Багданаў; дызайн – Н. Вікторчык (Даніловіч), А. Прыбылоў; макет – В. Прыбылова, А. Далінін).
Выданне ўключае 2 CD і брашуру, якая ўлучае змест аўдыязапісаў, анатацыю на беларускай, рускай і англійскай мовах, карту, нотна-тэкставыя транскрыпцыі 12-ці нумароў.
Два кампакт-дыска ўкладзены па матэрыялах экспедыцый Беларускай дзяржаўнай кансерваторыі 1964, 1969 і 1971 гг., ажыццёўленых пад кіраўніцтвам выдатнага беларускага этнамузыколага Лідзіі Саулаўны Мухарынскай. У фонаархіве этнамузыкі БДАМ запісы Л. С. Мухарынскай належаць да групы рарытэтаў.
Першы дыск – "Песні вёскі Азарычы Пінскага раёна" (працягласць гучання 30’37”) – уключае 20 песенных узораў, якія былі зафіксаваны ад адной спявачкі – Ганны Аксенцьеўны Мельнік. Каляндарна-песенны цыкл вёскі Азарычы рэпрэзентуюць гучанні вяснова-летняга сезона (у іх ліку – "в жніве, як жыто жнуць" – № 5). На дыску адлюстравана гукавая сфера "свадзьбы" / "вэселля" ("Чарачка – в свадзьбе вжэ спуваці" – № 18), а таксама пазаабрадавая песенная ліраэпіка.
Другі дыск – "Песні вёскі Заполле Карэліцкага раёна" (працягласць гучання 50’19”) – рэпрэзентуе стыль заходнебеларускай рэгіянальнай песеннай традыцыі (Панямонне), у якім дамінуе пазаабрадавая лірыка (№ 18). Змест дыска складаюць 24 песенных узора (раннетрадыцыйныя: валачобная, купальская, жніўная, вясельная, пахавальнае галашэнне; "велікадзённая" і ражстоўская псальмы; познетрадыцыйныя: любоўныя, казацкія, салдацкія; рэвалюцыйныя песні Заходняй Беларусі, партызанскія песні часоў Вялікай Айчыннай вайны) і расказ пра Каляды ( № 2, № 3). Асобы каларыт "Запольскай" калекцыі надае гучанне мужчынскіх галасоў ("ансамбль Моніча"), якое афарбоўвае нароўні з жаночымі адзіночным і сумесным спевамі ўсе тэматычныя раздзелы аўдыявыдання.
Трэкліст
Дыск 1. Песні вёскі Азарычы Пінскага раёна
- Йа і пойду я, куда век не ходзіла (вэсна) – 01:23
- Тройца, тройца, святая Богородзіца (тройца) – 01:11
- Йа і шчо ж гэто подоляпочка дзее («тройца») – 01:06
- Йа тэпер Купайло, заўтра Ян (купалле) – 00:40
- Да Пэтро Ілле клечэ («в жніве, як жыто жнуць») – 02:19
- На болоце косэц косець («літо») – 02:46
- Ой, і дай, Божэ, лето («лето») – 00:48
- Вжэ лето наступае («лето») – 02:10
- Я й у бору воду бэру – 01:10
- Ходзіў Господ по ўсім свету («на́божна пі/есня, кото́ра по/усто́м іе поют») – 03:29
- І горе ж мое, горе («гэту песьню кагда хоціш, тоды спова́еш») – 02:32
- Йа, вы гусі серые (балада) – 02:17
- Ночка ж моя тэмненькая («свадзьба») – 00:56
- Бура лесу й да поломала («свадзьба») – 01:08
- Да не дым, не дым («кавалер ужэ прыедзе до дзіўкі», «вэселле буду спова́ць») – 00:36
- Да ні дым, ні дым («а то другая», «вэселле») – 00:33
- Садай, садай, кохане мое («это вжэ як молоду́ю 'двозілы, молоду́ю вэзэ жэні́х до сэбэ») – 02:57
- Чарычка моя срэбраная («Чарычка», «в свадзьбі іі спувают») – 00:28
- Чарычка моя срэбраная («песня “Чарычка”») – 00:58
- Я й задумаў жэніціса (жартоўная) – 00:58
Агульная працягласць гучання – 30:37
ФЭ БДАМ, 2E 36, 37
Звесткі пра выканаўцаў:
CD 1: № 1-20 – Мельнік Ганна Аксенцьеўна.
CD 2: № 1-4 – Моніч (іншыя дадзеныя невядомы), № 9, 10, 21-23 – “ансамбль Моніча”, № 11-18, 24 – Шаўко Зінаіда, № 5-8, 19, 20 – выканаўцы невядомы.
Дыск 2. Песні вёскі Заполле Карэліцкага раёна
- Вялік сьвяты нам дзен(і) настал («эта ўжэ слава Велікадзённыя», велікодная псальма) – 00:25
- Расказ пра «Ко́ляды», «Раждзество» – 01:08
- Небо і зямля («Раждзество», «хадзілі з батлеем») – 01:03
- Валачод(ы)нічкі валачыліся (валачобная гаспадару) – 07:23
- Да ўжэ жыта й палавеё (жніўная) – 01:30
- Да закукуй, зязюлька, закукуй (купальская) – 01:17
- А у гародзе рута-лялея сядзела (свадзебная) – 01:51
- І ах, мая мамычка, ах, мая міленка (галашэнне па маці) – 01:16
- В чыстам полі, полі, пад ракітай (партызанская) – 01:46
- Па дарогам і кустам голас раздаёцца (партызанская) – 02:08
- Век дваццаты, век прыгожы (рэвалюцыйная) – 01:09
- Стары год пражыўшы, жывём Новы год (рэвалюцыйная) – 02:11
- А гдзе-та ў чыстам поле на берэгу рэкі (рэвалюцыйная) – 02:13
- Змоўкні ты, сціхні, песня пакуты (рэвалюцыйная) – 02:07
- На крэсах ёсьць дама бальшые (рэвалюцыйная) – 00:48
- Tam na górze javor stoi (лірычная, казацкая) – 02:28
- Gdym z kozaki szedł na boje (лірычная, казацкая) – 02:55
- Ішлі, ішлі трі казакі долам, даліною (лірычная, казацкая) – 02:16
- Цечот Нёман па песочку (салдацкая) – 01:12
- Здалі, здалі Ваню у салдаты (лірычная) – 02:36
- Як паехаў мілы на моро гуляць (лірычная любоўная) – 02:33
- Жыла ўдова на падоля (балада; спеў і найгрыш на гармоніку) – 03:19
- І ў том садзе, садзе-вінаградзе (лірычная; спеў і найгрыш на гармоніку) – 02:26
- Ой, паехаў мужычок ў чысто полё араць (жартоўная, сямейна-бытавая) – 02:07
Агульная працягласць гучання – 50:19
Каментароў — 0
Маеце пытанне ці заўвагу? Напішыце ў каментары. Звяртаем увагу, што каментары са спасылкамі і ад неаўтарызаваных аўтараў прэмадэруюцца.