Фальклор → Фальклорная адзінка:
Мы хадзілі як о дзяўчатамі былі... / Ну-ну-ну, Казёл / песня, тэкст,аўдыё,ноты — Слуцкі раён
- ::
- Мы хадзілі як о дзяўчатамі былі... / Ну-ну-ну, Казёл / песня, тэкст,аўдыё,ноты — Слуцкі раён
- Загаловак / інцыпіт
- Мы хадзілі як о дзяўчатамі былі... / Ну-ну-ну, Казёл
- Від песня
- Выкананне аўтэнтыка
- Змест тэкст аўдыё ноты
- Статус апрацавана
- дасяжна толькі ў поўнай версіі
- Выявы (сканы, ноты, схемы)
- Жанры, тэмы, тэгі
- Апісанне
«як у Козьліка хадзілі»
- Поўны тэкст
- Мы хадзілі як о дзяўчатамі былі, эта дзевачкамі былі, дак пад вокна ўжо ха-
дзілі. Як жа ж эта бегалі пад окна, спявалі, нам ужо што-нібудзь і дадуць... А так у Козліка хадзілі, дак эта там усё хлопцы хадзілі, а мы тока за механошэй хадзілі ззадзе. І ўжэ заходзім у хату, спяваем:
Ну-ну-ну, Казёл,
ну-ну-ну, нябож,
Паварочайся,
ні саромяйся,
Па ўсяму сялу
пан-гаспадару
і гаспадыньца
прыкланіся нізка,
скланіся нізка.
Наша Козінька
спалахнулася,
ні ў тыя глаза
захавалася.
Як лягла спаці
Ні магла ўстаці,
Вось прашу даці
Рэшата аўса
Наверх калбаса
і кусок сала,
Штоб Каза ўстала!
(смяецца) Каза ўжо ўстаецца – танцуе, што ўжэ кусок сала далі, калбасу далі, о.
А дзеўчата ўжо пад во/укнамі спяваюць тожа:
Паслухай, мужу, што ў бару гудзе,
Пчолна матка йдзе, раёчкі ведзе,
Раёчкі ведзе, навучая.
Святы вечар добрым людзям!
Святы вечар добрым людзям!
Эта пад во/укнамі мы спявалі ўжэ. Ўжэ нам выйдуць, што-небудзь дадуць, мы далей пашлі. А Козліка-та папахадзілі мы, як малыя былі. Ну як ужо – ўзрослыя былі! Хлопцы спяваюць, і кажух вывярнуць, да зробяць ужо бараду, каб этак о ляпала. Мой бацька да зрабіў такую зь дзерава, тут бародку зрабіў, такой ходзіць, ляпае і танцуе, а ўсе Каляды спяваюць. Вот. Да нажабруюць, да ўжо вечарам на-гуля-яюць ужо. Там і калбасы дадуць, і сала, і ўсяка ўсячыны дадуць, дык ужо гуляюць, два дні гуляюць з тым ужо, што на Шчадрыца.
Вот было што ўпярод, а цяпер этага німа. Ходзяць, ходзяць, гармошку возьме да балалайку, да прыйдут да па... пашлёпают, пашлёпают. «Што эта, – кажу, – за Казлы?» Дак я ко[жу]: «Дайце я вам паспяваю. Вот то Казёл!» Так яны: «Ого!
Так Вы умееце?» Я ка[жу]: «А чо вы не навучыцеся? Ды хадзілі б дый спявалі».
А то прыш[лі]: «Я у бацькі адзін, – нек пачане гаварыць, – дак мяне бацька паслаў, каб я кусок сала дастаў». Я ко[жу]: «Ого, што бацька цябе навучыў! Эта ні спесня». Да пастаяць у двары ці эта ў дзверах, о то да дай ім што-небудзь. То бывае што-небудзь ткнеш: «Ідзіце!» - Ад каго запісана
- Хто запісаў
- Год ці дэкада запісу (калі невядома, то першай публікацыі)
- Выданні, дзе публікавалася
- Аўдыёрэлізы, дзе публікавалася
- Месца паходжання
Каментароў — 0
Маеце пытанне ці заўвагу? Напішыце ў каментары. Звяртаем увагу, што каментары са спасылкамі і ад неаўтарызаваных аўтараў прэмадэруюцца.