Фальклор → Фальклорная адзінка:
Ой, над рэкою, над глыбокаю / песня, тэкст,ноты — в. Краснае Возера, Салігорскі раён
- ::
- Ой, над рэкою, над глыбокаю / песня, тэкст,ноты — в. Краснае Возера, Салігорскі раён
- Загаловак / інцыпіт
- Ой, над рэкою, над глыбокаю
- Від песня
- Выкананне аўтэнтыка
- Змест тэкст ноты
- Статус у працэсе апрацоўкі
- Выявы (сканы, ноты, схемы)
- Жанры, тэмы, тэгі
- Поўны тэкст
- 1.
Ой, над рэкою, над глыбокаю.
Святы вечор, святы Васіллё!
Там стаяў явор, тонкі, вусокі,
Тонкі, вусокі, зверху кудравы.
На тым яворцэ орлічак сядзіць,
Орлічак сядзіць, у воду глядзіць.
У воду глядзіць і рыбку бачыць,
Ён рыбку бачыць, з рыбкой гаворыць:
— Ой, ты, рыбочка, як ты глыбока,
Як ты глыбока, а я вусока.
З цябе, рыбочка, — смашная юшка,
А з мяне, орла, — мякка падушка.
2.
Ой, ці ведаеш, пане госпадару,
Святы вечор, святы Васілёк!
Па твайму полю сам господзь хадзіў,
Сам господзь хадзіў да жыта радзіў.
Жыта буйнае, каласістае,
З каласка жменька, а з снопка мерка.
За гэтым словом, бувай здоровы.
Мехоношому — да пірог хорошы.
Пачынальнічку — да біты шастачок,
Помагальнічку — поўзолотаго.
3.
Ці дома, дома сам пан гаспадар?
Святы вечор, святы Васілёў!
Ой, колі ж ты спіш — господзь з тобою,
А колі не спіш — говор[ы] зо мною.
А не зо мною — з своею жаною,
А не з жаною — з своімі дзеткамі,
А не з дзеткамі — то з суседкамі.
Не з суседкамі — з добрымі людзьмі,
З добрымі людзьмі, што к табе прышлі,
Што к табе прышлі, радосць прыняслі.
Да трое госцей, трое радосцей:
Ой, первы госцік — яснэе сонца,
А другі госцік — свецел месячык,
А трэці госцік — драбненькі дожджык.
Ухваляласа яснэе сонца:
— Ой, як я ўзыйду ў нядзельку рано,
То зрадуецца ўвесь мір хрышчоны,
Увесь мір хрышчоны да й народжоны.
Ой, ухваляўса свецел месячык:
— Ой, як я ўзыйду ўночы-ўпоўночы,
То зрадуецца шчучка у моры,
Шчучка у моры, а звер у полі,
А звер у полі, купец ў дарозе.
Ой, ухваляўса дробненькі дожджык:
— Ой, як я пройду тройкой у маю,
То зрадуецца жыта-пшаніца,
Жыта-пшаніца, ўсяка пашніца. - Ад каго запісана
- Хто запісаў
- Год ці дэкада запісу (калі невядома, то першай публікацыі)
- Выданні, дзе публікавалася
- Карта
- Месца паходжання
Каментароў — 0
Маеце пытанне ці заўвагу? Напішыце ў каментары. Звяртаем увагу, што каментары са спасылкамі і ад неаўтарызаваных аўтараў прэмадэруюцца.