Фальклор → Фальклорная адзінка:
А на моры, на сінінькім / песня, тэкст,аўдыё — в. Валодзькі, Докшыцкі раён
- ::
- А на моры, на сінінькім / песня, тэкст,аўдыё — в. Валодзькі, Докшыцкі раён
- Загаловак / інцыпіт
- А на моры, на сінінькім
- Від песня
- Выкананне аўтэнтыка
- Змест тэкст аўдыё
- Статус апрацавана
- Жанры, тэмы, тэгі
- Апісанне
Валачобная дзяўчыне
- Поўны тэкст
- А на моры, на сінінькім
Явор, зялёны дубор. *
Там Манічка бель бяліла,
Бель бяліла - бела мыла,
Злоты персцень ураніла.
Пашла ж йіна дарогаю,
Напаткала трох малойцаў:
- Вы, малойчы-рыбалоўцы,
Вы злавіце злоты персцень.
А я вам жа адгаджуся, Адгаджуся, адплачуся.
Аднаму ж я - суседачкай,
А другому - швагерачкай,
А троццему - сама млода,
Сама млода як ягода.
Я к суседу агню пайду,
А к швагрочку на параду,
А з міленькім сама сяду.
А Манічка ня будзь гордай,
Ня будзь горда - будзь пакорна.
Татку з мамкай пакланіся,
Валачобнік адплаціся.
Выйдзі, выйдзі на ганачак,
Вынісь, вынісь падарачак:
Капу яек нялічына.
А мы самі піралічым,
І Манечку падвялічым.
Як ня хочаш адплаціцца,
Хадзі з намі валачыцца.
Дожджык ідзець, вятрок веіць,
А нам хадзіць ножкі млеюць.
* прыпеў паўтараецца пасля кожнага радка - Ад каго запісана
- Звязаныя калектывы (гурты-выканаўцы, арганізатары запісу, праваўладальнікі, месца захавання і г.д.)
- Хто запісаў
- Год ці дэкада запісу (калі невядома, то першай публікацыі)
- Аўдыёрэлізы, дзе публікавалася
- Карта
- Месца паходжання
Каментароў — 0
Маеце пытанне ці заўвагу? Напішыце ў каментары. Звяртаем увагу, што каментары са спасылкамі і ад неаўтарызаваных аўтараў прэмадэруюцца.