Фальклор → Фальклорная адзінка:
Прыпеўкі да Цярэшкі / песня, тэкст,аўдыё — в. Стаі, Лепельскі раён
- ::
- Прыпеўкі да Цярэшкі / песня, тэкст,аўдыё — в. Стаі, Лепельскі раён
- Загаловак / інцыпіт
- Прыпеўкі да Цярэшкі
- Від песня
- Выкананне аўтэнтыка
- Змест тэкст аўдыё
- Статус апрацавана
- дасяжна толькі ў поўнай версіі
- Жанры, тэмы, тэгі
- Поўны тэкст
- Пайду я пабегаю,
Як рыбка па берагу,
Пайду я пагуляю
Як рыбка па Дунаю.
Хоць жы я павалюся,
За дзедзікам паганюся,
Хоць жа я ножку зламлю,
Я свайго дядульку злаўлю.
Ні ўцікай, дзядулечка,
Я ж твая бабулечка,
Ні ўцікай дзядулька-шаршэнь,
Ні турнуй маіх касцей.
Ні ўцікай дзядулька-ёжак,
Ні турнуй маіх ножак.
Ні ўцікай дзядулька дужа,
На дваре бальшая сцюжа.
Ні ўцікай дзядулька пяшком,
Задула дарожку сняжком.
Вазьму я мяцёлачку,
Размяту дарожачку,
Каб было добра хадзіць,
Мне свайго дзядульку лавіць.
А здайся, дзядулька, здайся,
На лучшых ні заглідайся,
А яны с ума свядуць,
Нам з табой разлуку дадуць.
Цераз сад зялёненькі
Вадзіца сучылася,
Ні ўцікай, дзядулечка,
Я ўжо замарылася.
Паймала!
А ці мой, ці ня мой спарыш,
Нашто маю маладосць галіш?
А ці мой, ці ня мой будзіш,
Нашто маю маладосць губіш?
Мой дзедзька прыгож, прыгож,
На пана пахож, пахож,
Кудры завіваюцца,
Дзевкі заглідаюцца.
А я й кудрячкі атаўю,
А я дзевачак атаб’ю,
Тараріра-ра-ра-ра-ра,
Тараріра-ра-ра-ра-ра.
Пад(ы) вакном рута зялёна,
Я к свайму дзедзьку не роўна,
І росту ніжэйшага,
І гонару цішэйшага.
Дзед бабу тапіці вядзець,
А баба крычыць і ня йдзець,
Што табе, дзядулька, стала?
Я йшчэ ні зусім(ы) стара.
Устану ранюсенька,
Напраду танюсенька,
Паставлю красенцы ў кутку,
Дядулю кашулю вытку.
Выткаўшы ды пабялю,
Выткаўшы да пашыю,
Тонкаю-танюсенькаю,
Белаю-бялюсенькаю.
Пайду я праз тын глядзець,
Як мой дядулька арэць,
Кабылка сівенькая,
Баразна крывенькая.
Ай, беда, мая й беда,
Далі мне старога дзіда,
А ні з ім у пір пайці,
А ні з ім дома быці.
Ў пір ідці - сварыцісі,
Дома быць - пабіцісі,
Тараріра-ра-ра-ра-ра,
Тараріра-ра-ра-ра-ра.
Цярэшку цярэжыла,
На печы ня ўлежыла,
Цярэшку біда стала,
З кім яго жана стала.
Цярэшку, чаху-чаху,
Што ў цябе ў мяху, ў мяху?
Шпілечкі ды йголачкі,
Девачкам пярсцёначкі.
Пайду я кароў даіць,
А за мной Давыд бяжыць,
Кіну я даёначку,
Да выйду в галёначку.
Каб цябе каршун задраў,
Як ты мне хвартуха падраў,
А што мне татуся купіў,
Каб мяне Пятруся любіў. - Ад каго запісана
- Хто запісаў
- Год ці дэкада запісу (калі невядома, то першай публікацыі)
- Аўдыёрэлізы, дзе публікавалася
- Карта
- Месца паходжання
Каментароў — 0
Маеце пытанне ці заўвагу? Напішыце ў каментары. Звяртаем увагу, што каментары са спасылкамі і ад неаўтарызаваных аўтараў прэмадэруюцца.