Фальклор → Фальклорная адзінка:
Ай, вечыр добрый, гаспадару / Ніхай так будзіць! / песня, тэкст,аўдыё — в. Дворнае Сяло, Мёрскі раён
- ::
- Ай, вечыр добрый, гаспадару / Ніхай так будзіць! / песня, тэкст,аўдыё — в. Дворнае Сяло, Мёрскі раён
- Загаловак / інцыпіт
- Ай, вечыр добрый, гаспадару / Ніхай так будзіць!
- Від песня
- Выкананне аўтэнтыка
- Змест тэкст аўдыё
- Статус апрацавана
- дасяжна толькі ў поўнай версіі
- Жанры, тэмы, тэгі
- Поўны тэкст
- Ай, вечыр добрый, гаспадару,
*Ніхай так будзіць!* (рэфрэн)
Ай, гаспадару, слаўны пану,
А ці спіш-ляжыш, спачываіш?
А чы у ложу у часовай?
Ай у пярыні у пуховай,
Ай, і з жаною, з маладою,
І з дзеткамі з маленькамі,
А еслі ж спіш так Бог з табою,
Калі не спіш - устань рана,
Сядзь пад аконца й на ўсход сонца,
Пірад аконцам - сад зелёный,
Пчолкаў улей тымсажоный,
Ай, чыраз садзік рэчка бяжыць,
А над рэчкай цэрква стаіць,
Ай, на прэстолі сам Бог сядзіць,
Каля Бога служэк многа,
Ай, шахуюцца-рахуюцца,
Якому святцу ўперад стаці,
Ай, перша святца - Нова лятца,
Ай, а другое Трохкрулёва,
Святы Казімір дроўцы рубіць,
Святы Юрый - Божы ключнік,
Ай, сядзь на коня й варанова,
І вазьмі ключы залатые,
А едзь у поле у чыстое,
Атамкні зямлю й пусці расу,
Ай, выгоднаю на ўсю вясну,
А Святы Мікол - стары сявец,
Ай, сівалачкай ды шапачкі,
А едзіць, поля засіваець,
Ай, Бога ў помашч празаваець,
І каб ярынка урадзіла,
І піць і есць на год хваціла,
Святы Шоснік кола сточыць,
Світа Тройца - красух ладзіць,
Ай, а Дзівятнік наліваець,
Ай, а Дзісятка ў жыці пятка,
А свято Пятро ў жыці ядро,
Святы Іван стары каваль,
Сярпы зубіў і дзе згубіў,
Світа Ілья - Божа жнея,
Ў поля ішла - сярпок нашла,
А шахнёт-махнёт, снапок нажнёт,
А гдзе сноп вяжыць - ў копку ставіць,
Святы Іспас - пільны і час,
А жытцо божыць - стожкі ложыць,
Ай, а Прачыстай жытцо пашыць,
Ай, а другая ў помач стала,
Ай, жытцо пахаць паканчала,
Ай, а Пакроўчык паднімаець,
А святы Пакроў - саўсім дамоў,
Святы Дзімітрый сыноў жэніць,
Ай, піво даець, злётак дзеліць,
Ай, гаспадару, слаўны пану,
А ці … табе наша песня?
Ай, Велікодна й велічэбна,
Ай, хазяічка й не ляніся,
Ай, дары гасцей, не скупіся,
А мы госці ні частые,
Мы у гадочак ‘дзін разочак,
Ай, нашы дары нібальшые,
Ай, пачанальню капу яек,
А маім братцам па дзісятак,
Ай, гаспадару, бывай здароў,
Жыві багата, мей сто кароў,
Ай, ішчо болей, мей сто коней,
І белых авец поўны хлявец,
І этай песні ніхай канец.
Запісана ад Пальчэха Іосіфа Іванавіча (1914) – пачынальнік, Пальчэха Мяфодзія Антонавіча (1913), Арла Мікалая Аляксандравіча (1922). - Ад каго запісана
- Хто запісаў
- Год ці дэкада запісу (калі невядома, то першай публікацыі)
- Аўдыёрэлізы, дзе публікавалася
- Карта
- Месца паходжання
Каментароў — 0
Маеце пытанне ці заўвагу? Напішыце ў каментары. Звяртаем увагу, што каментары са спасылкамі і ад неаўтарызаваных аўтараў прэмадэруюцца.