Аўдыётэка → Аўдыё выданне:

2021 - Astroŭna — Месяц узышоў [інтэрнэт,аўдыё-CD]

Калядны альбом гурта ASTROŪNA "Месяц узышоў"

На Каляды мяжа паміж сусветамі празрыстая, бы срэбная тканіна завеі. Пад гукі завірухі ў гэтыя часіны ў сутонні і таямнічасці зноў ствараецца новы час – новы свет. У чароўную, святочную калядную ноч, калі навокал пануе суцэльная магія, прыслухайся, як падае снег – здолееш пачуць гэтую таемную музыку – кожная сняжынка мае свой голас, злятаючы долу звонкай нотай.

У момант нараджэння новага свету, на Каляды, спяваюць чароўныя калядныя песні, і пяюць ў іх пра казачныя падзеі, - дзеля таго, каб новаствораны свет адбыўся менавіта гэткім чынам: каб казка сталася новай рэчаіснасцю, каб усё надзвычайныя пажаданні, агучаныя ў песні, спраўдзіліся налета.

У межах гэтага альбома, прабіраючыся скрозь снегавыя гурбы, каляднікі з АСТРОЎНЫ, не мінаючы ніводнага двара, пяюць добрым людзям велічальныя песні пра калядныя цуды – і гаспадару, што роўны каралю, сядзіць на покуці ўвесь у золаце, і ягонай дачцэ, краснай панначцы ў пярловым венчыку і залатым паясе, і ягонаму сыну, адважнаму ваяру.

На Каляды свет зноў будзе цудоўным - народзіцца новае сонца, у небе заззяюць дробныя зорачкі і ўзыйдзе месяц!

Спяваюць і граюць:
Ганна Сілівончык - спеў
Паліна Курановіч - спеў, цымбалы, бубен
Кацярына Аракчэева - спеў, бёрды
Яраш Малішэўскі - спеў, дуда, корбавая лера, варган, дудкі, скрыпка, гуслі, мандаліна, гітара, акарыны, вуснавы гармонік, шархуны, сталькі, флейта, клавесін

Запрошаны музыка Піт Паўлаў - бубен у “Сізы арол”. Фота і дызайн - Міхась Аракчэеў. Батлейка - мастак Дзмітрый Гаралевіч.

1. Мяцеліца 06:04
2. Ішла Каляда 04:19
3. Сізы арол 04:55
4. Месяц узышоў 02:26
5. Во Ярдане 04:31
6. Воўчая зорка 01:04
7. Там за тыном 03:42
8. Крышталёвы мост 01:10
9. Да запеймо песню 04:34
10. Каза 01:06
11. Ой славен, славен 01:30
12. Хваліўся канём перад каралём 02:29
13. Срэбны грошык 01:22
14. Свента Марыя 03:31
15. Тры каралі 01:08
16. А ў новых сенях 02:24
17. Вароты 02:35

• Месяц узышоў, by ASTROŪNA
  https://astrouna.bandcamp.com/album/--2

• Astroŭna (г. Мінск)

• Сілівончык Ганна
• Курановіч Паліна
• Аракчэева Кацярына
• Малішэўскі Яраш
• Паўлаў Піт

• Аракчэеў Міхась

• 2021

• Беларусь

• песні калядныя
• псальмы калядныя
• каляды
• калядоўшчыкі
• ліра колавая