Калектывы → Калектыў:
Беларускі Фонд Культуры, грамадская арганізацыя
- ::
- Беларускі Фонд Культуры, грамадская арганізацыя
- Назва
- Беларускі Фонд Культуры, грамадская арганізацыя
- Тып грамадскія аб’яднанні
- Апісанне
Грамадская арганізацыя «Беларускі фонд культуры» створаная ў красавіку 1987 г. у Мінску. Вышэйшы кіруючы орган Беларускага фонду культуры (БФК) — Рада, якая склікаецца штогод і выбіраецца тэрмінам на пяць гадоў.Рада выбірае Выканаўчы камітэт на чале са старшынём. Цяперашні старшыня Рады БФК — Уладзімір Аляксандравіч Гілеп.
Дзейнічае выдавецтва «Беларускі фонд культуры» і выходзіць «Краязнаўчая газета». Асноўныя задачы БФК: садзеянне ўдзелу розных групаў насельніцтва ў культурным будаўніцтве, выкарыстанню іх творчых намаганняў і матэрыяльных магчымасцяў; аказвае маральную, матэрыяльную і прававую падтрымку ініцыятывам і пачынанням грамадскасці, якія накіраваныя на памнажэнне культурнай спадчыны, захаванне і выкарыстанне народных традыцый, развіццю краязнаўства, прафесійнай і аматарскай творчасці і г.д.; аказвае дапамогу моладзіў творчым росце; адшуканню і вяртанню твораў мастацтва, архіўных матэрыялаў, іншых помнікаў гісторыі і культуры, якія знаходзяцца па-за межамі краіны; развіццю міжнародных сувязяў і абменаў.
Для выканання задачаў распрацаваная і ажыццяўляецца доўгатэрміновая праграма «Спадчына», у адпаведнасці з якой камісіі савета фонду наладжваюць фальклорныя святы («Каляды», «Гуканне вясны», «Купалле»), выстаўкі твораў народных майстроў, культурных каштоўнасцяў, якія паступаюць у дар БФК ад арганізацыяў і прыватных асобаў, маюць права праводзіць дабрачынныя вечарыны і святы.
БФК з’яўляецца фундатарам многіх адмысловых выданняў. Асаблівай значнасцю выдзяляюцца наступныя навуковыя праграмы БФК: «Вяртанне і захаванне нацыянальных культурных каштоўнасцяў». У рамках праграмы выдаецца серыя зборнікаў матэрыялаў і дакументаў пад назвай «Вяртанне», «Адраджэнне нацыянальнай культуры старажытных малых гарадоў і паселішчаў»). Адбыліся святы ў Друцку, Копысі, Міры, Карэлічах, Слуцку. Праграма «Вернутыя імёны» займаецца пошукам гістарычных асобаў, якія вызначыліся сваёй грамадскай,культурнай, асветніцкай ды іншай дзейнасцю на карысць свайго народу і народаў свету.
Праводзяцца шмагадовы рэспубліканскі онкурс «Бібліятэка — асяродак нацыянальнай культуры», конкурс мастакоў-сцэнографаў імя І.М. Ушакова і іншыя.
Беларускі фонд культуры уваходзіць у Канфедэрацыю творчых саюзаў Рэспублікі Беларусь, цесна супрацоўнічае з Саюзамі народных майстроў і фалькларыстаў Беларусі, з дзяржаўнымі архівамі, бібліятэкамі, музеямі.
- Год заснавання
- Кіраўнік(і)
- Карта
- Звязаныя лакацыі
Каментароў — 0
Маеце пытанне ці заўвагу? Напішыце ў каментары. Звяртаем увагу, што каментары са спасылкамі і ад неаўтарызаваных аўтараў прэмадэруюцца.