Фальклор → Фальклорная адзінка:

Ты каліна ты маліна / песня, тэкст,аўдыё — в. Навапольцы, Стаўбцоўскі раён

• песні пазаабрадавыя

ты каліна ты маліна //
ты на воду схілілась

ты на воду схілілася //
а я млода журылась

а я млода журылася //
што ад роду адбілась

што й ад роду ад радзіны //
цяжка жыці на чужбіне

цяжка жыці цяжка быці //
з чужым родам гаварыці

ой вазьму я сваю долю //
да пушчу па сіню мору

плыві доля і з вадою //
а я следам за табой

прыплывём мы к беражочку //
да й пасядзем на жвірочку

да й пасядзем на жвірочку //
да й абарвом па лісточку

да й абарвом па лісточку //
да й напішам па пісьмочку

да й напішам па пісьмочку //
да й разашлём да радочку

хай радзіна тоя зная //
мне пасагу не шукая

хай радзіна тоя чуя //
мне пасагу не гатуе

я пасаг свой прагуляла //
пад яварам начавала

пад яварам зеляненькім //
і з казакам маладзенькім

вары маці вячэраці //
а я пайду ў сад гуляць

па садочку я гуляла //
тры яблычкі я сарвала

тры яблычкі я сарвала //
да мілаго пасылала

• Протас П. / в. Навапольцы, Стаўбцоўскі раён
• Скачко М. / в. Навапольцы, Стаўбцоўскі раён

• Беларускі дзяржаўны педагагічны ўніверсітэт імя Максіма Танка / БДПУ

• в. Навапольцы, Стаўбцоўскі раён (Вишневецкий c/c), Мінская вобласць, Беларусь
• Стаўбцоўскі раён, Мінская вобласць, Беларусь
• Мінская вобласць, Беларусь
• Беларусь