Аўдыётэка → Аўдыё выданне:

2017 - Новая Атлянтыда: Чаму жніво стала “бітвай за ўраджай”? [радыё]

Настае жніво, збор ураджаю. А гэта азначае, што прыходзяць дажынкі. Але вось жа, сёньня, калі мы чуем слова “дажынкі”, уяўляем адразу аляпавата прыбраную цэнтральную плошчу аднаго з райцэнтраў, гучныя песьні расейскіх поп-выканаўцаў з дынамікаў, мажных кабет у куплёных бліскучых аля-народных строях, шэрагі чыноўнікаў розных узроўняў, якія ў трымценьні за зробленае чакаюць прысуду найвялікшага чыноўніка -- ці то ласкі, ці то кары. Словам -- афіцыёз, паказуха з узнагародамі трактарыстам і камбайнёрам у выглядзе граматаў і нават ключоў ад аўто. Гучаць урачыстыя прамовы, патас якіх зводзіцца да таго, што дзякуючы самааданай бітве за ўраджай народ і гэтым разам ня будзе галодным. Але пры чым тут дажынкі? Ці мае такі фэст датычнасьць да народнай традыцыі? Абрады інтэрпрэтавалі на новы лад? А мо проста скралі ў традыцыі прыгожае слова, і адбылася падмена? Варта ўсё ж разабрацца, якія сэнсы беларусы ўкладвалі ў само паняцьце дажынкаў. Пра традыцыю дажынак у колішняй беларускай вёсцы Вячаслаў Ракіцкі гутарыць з этнакультуролягам, доктарам філялягічных навук Тацянай Валодзінай.

• Беларуская Атлянтыда / Новая Атлянтыда (радыё "Свабода"), кніжная сэрыя,цыкл радыёперадач

• Радыё Свабода (svaboda.org)

• Ракіцкі В. А.
• Валодзіна Таццяна Васільеўна

• 2017

• Беларусь

• жніво
• дажынкі
• інтэрпрэтацыі фальклору
• актуалізацыя
• абрады і святы летнія