Аўдыётэка → Аўдыё выданне:

2016 - ESSA - Niamiha [аўдыё-CD]

Этна-авангардовы гурт Essa выдаў свой першы альбом на дзьвюх кружэлках: адна ў выглядзе кампакт-дыску змяшчае аўдыё- і відэа-матэрыялы, а другая папросту выразаная з наждачнае паперы. У сваю чаргу CD таксама разьбіты на дзьве часткі: трэкі №1—10 — гэта аднайменная з альбомам кампазызыцыя «Niamiha», прэзэнтаваная летась; трэкі №11—14 — гэта кампазыцыі, народжаныя падчас гукасэіі ў занядбаным ангары на ўскраіне мястэчка Ракаў. І яшчэ некалькі вонкавых дэталяў:

• кардонная вокладка альбома аздобленая графікай народнага мастака Беларусі Арлена Кашкурэвіча;
• базу для імправізацыяў складаюць ня толькі беларускія, але летувіскія народныя сьпевы;
• у арсэнале Essa — самаробныя інструмэнты (канклес) ды індустрыяльныя аб’екты (бляха, арматура).

Калі кампазыцыю «Niamiha» стваральнікі гурту Essa Тодар Кашкурэвіч і Вольга Дзядовік запісалі ўдвох ва ўласнай ракаўскай хаціне, то да гукасэсіі ў ангары далучылася троіца мясцовых падлеткаў і трыё зь Вільні. То бок, агулам 8 чалавек. Галоўнай фігурай летувіскага дэсанту, безумоўна, стаў Петрас Вішняўскас, чыё імя здаўна ўваходзіць у сусьветныя джазавыя анталёгіі. Петрас ужо колісь супрацоўнічаў з Тодарам ды Вольгай у межах праекту «Цішы Лабаноры». Таму ў 2014 годзе саксафінаста пагадзіўся завітаць у Беларусь ізноў, тым больш, што акром ракаўскае сэсіі, для яго адмыслова арганізавалі канцэрт у Менску. «Гэта быў такі ж экспэрымэнт, бясконцае жаданьне што-небудзь спрабаваць. Фактычна ідея запрасіць Петраса і зрабіць імпрэзу ў к/з „Мінск“ — усё гэта было толькі для таго, каб прыцягнуць яго да нас у ангар», — сьмяецца Вольга Дзядовік.

Склад:

• Тодар Кашкурэвіч — бляха, смык, канклес, арматура;
• Вольга Дзядовік-Кашкурэвіч — сьпеў, канклес;
• Петрас Вішняўскас — сакс, арматура;
• Рыціс Камічайціс — табла;
• Гвідас Кавера — канклес, дрымба, шархуны;
• Сабіна Пятроўская — сьпеў;
• Дамінік Пятроўскі — бляха;
• Павал Ламбовіч — пэркусія.

http://tuzin.fm/article/2910/out-essa-vydala-sumiesny-albom-z-lehiendaj-letuviskaha.html 

1. Metro “Niamiha” 1:40
2. Dūno ūpė 2:16
3. Piarun, Piarunie 3:22
4. Kropli 2:26
5. Žyū-byū, Dy Niama 5:04
6. Da Zasporyū Dunaj Z Moram1:57
7. Metro-Vals 2:37
8. U-U-U 3:31
9. Vir-vir, Kałodziež 3:25
10. Płač 5:27
11. Jaščur 2:19
12. Kałychanka (Lt) 3:59
13. Kropli 6:04
14. Žyū-byū, Dy Niama 4:32

Кампазіцыі 1-10 аб’яднаны ў адзін паўгадзінны трэк.

• !OUT: Essa выдала сумесны альбом зь легендай летувіскага джазу (аўдыё/відэа)
  http://tuzin.fm/article/2910/out-essa-vydala-sumiesny-albom-z-lehiendaj-letuviskaha.html
• Essa. Па Нямізе плыць
  http://tuzin.fm/performer/mp3/3349/niamiha.html
• ESSA (6) - Niamiha
  https://www.discogs.com/ESSA-Niamiha/release/8328529

• ESSA (Беларусь)

• Кашкурэвіч Тодар Арленавіч
• Дзядовік-Кашкурэвіч Вольга

• 2016 - Niamiha\Essa, 2016 [DVD]

• 2016

• Беларусь

• джаз
• авангард
• інтэрпрэтацыі фальклору