Персаналіі → Персаналія:

Сахута Я. М.

Яўген Міхайлавіч Сахута (15 лютага 1945) — беларускі мастацтвазнаўца і этнолаг. Доктар гістарычных навук (1996), прафесар (2004). Старшыня Беларускага саюза майстроў народнай творчасці (з 1992 г.). Член Міжнароднай арганізацыі па народнай творчасці (IOV).

Лаўрэат Дзяржаўнай прэміі Рэспублікі Беларусь (1996) і лаўрэат прэміі Рэспублікі Беларусь «За духоўнае адраджэнне» 2008 года за ўдзел у напісанні дзесяцітомнага выдання «Беларусы».

Яўген Сахута з'яўляецца аўтарам звыш 20 манаграфій, а таксама шматлікіх публікацый у калектыўных працах, энцыклапедычных выданнях, зборніках, перыёдыцы. З'яўляецца аўтарам артыкулаў і адказнай асобай у рэдагаванні фундаментальнай энцыклапедыі «Этнаграфія Беларусі» (1989), шасцітомнай энцыклапедыі «Культура Беларусі» (2014).