Фальклор → Фальклорная адзінка:
Добры вечар, гаспадару. Ніхай так будзіць! / песня, тэкст,аўдыё — в. Лявонпаль, Мёрскі раён
- ::
- Добры вечар, гаспадару. Ніхай так будзіць! / песня, тэкст,аўдыё — в. Лявонпаль, Мёрскі раён
- Загаловак / інцыпіт
- Добры вечар, гаспадару. Ніхай так будзіць!
- Від песня
- Выкананне аўтэнтыка
- Змест тэкст аўдыё
- Статус у працэсе апрацоўкі
- дасяжна толькі ў поўнай версіі
- Жанры, тэмы, тэгі
- Поўны тэкст
- Добры вечар, гаспадару,
Ніхай так будзіць! (Паўтор пасля кожнага радка)
Ішлі-пашлі, сюда прышлі,
Гаспадару, слічны пану,
Глянь на дворы што дзеецца,
Што дзеецца-лялеецца,
Ў тваім дварку як у райку,
Раса й пала, мідавая,
На тым месце цэрква стала,
Цэрква стала на трі алтары,
Трі алтары залатыі,
В первом алтарі сам Бог сядзіць,
Кала его служкі ж его,
Служкі ж его все святыі,
Чахуюцца-рахуюцца,
Катораму ж перва стаці,
Перва стаці, расчытаці,
Рашчыталі, распісалі,
Паставілі первасвятца,
Первасвятца на ўсёй лядцэ,
Свят Вялікдзень, свят вяліка,
Гаспадару п’ець-гуляіць,
Ўсей сямейкай маладзенькай,
Ён і Бога звелічаець,
Бога просіць дай жа Божа,
Гэта святца праваждаці,
Да другова ж дачакаці,
Прасвітая Радаўніцка,
Радуй, Божа, гаспадара,
Ўсім добрам, ўсім багаццям,
Святы Юра ён і ў Бога,
Первы служка за падружка,
За ключнічку, за вірнічку,
Ды ўзяў ключы земляныя,
Зімляныя-палявыя,
(А)дамкнуў зімлю, пусціў расу,
Пусціў расу на ўсю й вясну,
Святы Баріс ляды й паліць,
Ляды паліць, падчышчаець
Світа сёмка ж гнаі возіць,
Гнаі возіць, раі раіць,
Раі раіць, мяды сыціць,
Свято Пятро саўсім ядро,
Слугі косяць, Бога просяць,
Дай жэ, Божэ, пагодачку,
Пакасіці-пасушыці,
Ў гумно звазіць, ў стажок ізвіць,
Світа Ілля, стара жнія,
Зажынае хлебам-солью,
Белым сырам з малым сынам,
Святы Пакроў саўсім дамоў,
І з косачкай, і з сошачкай,
А і Дзьмітра, за ўсіх хітрей,
Піва ж варіць, сыноў жэніць,
Сыноў жэніць, дачок даець,
Дачок даець, пасаг дзеліць,
А сыночку па канёчку,
А дачушкам па кароўцы,
Гаспадару, слічный пану,
Калі ласка, масці кладку,
Масці кладку, заві ў хатку,
Гаспадынька ні ляніся,
Калі шафы пувярніся,
Редка ходзім, мала просім,
Бо на дворы ветрык вее,
Маім братцам ножкі ж млеюць,
Лі пасілку хоць бутылку,
Пачынальнік сем коп яек,
Даўшы ж наша заві й ваша,
Будзь здаровый, будзь багатый,
Пражывай жа да сто ляты. - Ад каго запісана
- Хто запісаў
- Год ці дэкада запісу (калі невядома, то першай публікацыі)
- Аўдыёрэлізы, дзе публікавалася
- Карта
- Месца паходжання
Каментароў — 0
Маеце пытанне ці заўвагу? Напішыце ў каментары. Звяртаем увагу, што каментары са спасылкамі і ад неаўтарызаваных аўтараў прэмадэруюцца.