Аўдыётэка → Аўдыё выданне:

Новая Атлянтыда: Як беларусы будавалі свой дом?

У культурным фондзе чалавецтва знойдзецца ня так шмат унівэрсальных значэньняў, аднолькава дарагіх і для ірляндца, і для жыхара мангольскіх стэпаў, і для расейца, і для беларуса. Дом – адна з такіх каштоўнасных катэгорыяў, якая не падлягае дэвальвацыі цягам усёй гісторыі, незалежна ад таго, пра што прадметна вядзецца гаворка: пра сялянскую хату ці пра палац Радзівілаў. Род, сям’я, утульнасьць, абароненасьць, камфорт… Цяжка нават перабраць усе пазытыўныя сэнсы, што мы зьвязваем у сьвядомасьці з домам, сваім домам. І ўсё ж, размова нашая пойдзе пра тое, што азначаў, чым быў і чым ёсьць дом для беларускага вяскоўца, жыцьцёвы лад якога істотным чынам адрозьніваецца ад побыту сучаснага гараджаніна? Размова з этнакультуролягам, кандыдатам гістарычных навук Уладзімерам Лобачам.