Сайты → Сайт:
Графічнае адраджэньне страчанай архітэктурнай спадчыны

Загаловак
Графічнае адраджэньне страчанай архітэктурнай спадчыны
Спасылка
Катэгорыя
сайт
Апісанне

Introduction

За апошнія 200 год архітэктурны воблік нашага Краю зьмянілся непазнавальна. Амаль зьніклі шматлікія адбіткі стракатай палітры рэлігій Беларусі — гатычныя стыря храмы і суворыя кальвінскія зборы Рэнесанса, узнёслае віленскае барока і візантыйскія купалы старой Сафіі, шматлікія велічныя кляштары манаскіх Ордэнаў.


Мэты

Аўтарскi праект "Страчаная спадчына. Хрысцiянскiя святынi" распачаты у 2015г. Графiчныя рэканструкцыi — 3D-мадэляванне i фотамантаж стварае пiнчук Аляксандр Невар, архiтэктар па адукацыi.

Асноўныя мэты i задачы праекта — гэта сістэматызацыя і абагульненне наяўных i разрозненых дадзеных, графiчных ілюстрацыйных матэрыялаў па культаваму дойлідству Беларусі, вiртуальнае аднаўленне страчанай спадчыны i на падставе даследаванняў гісторыі кляштарнага будаўніцтва ў краі, вывучэнне тыпалогіі помнікаў культавага дойлідства, спецыфікi развіцця нацыянальнай культуры Беларусі.

Даследванне помнiкаў архiтэктуры, як захаваўшыхся, так і вядомых па графічных крыніцах i вiртуальна аднаўлёных на падставе архiўных дадзеных, дазваляе раскрыць складаныя хітраспляценні фактараў культурных уплываў і захавання этна-нацыянальных каранёў, ролю традыцый ў сістэме агульнаеўрапейскага працэсу змены мастацкіх стыляў.


Крынiцы i архiўныя звесткi

Кляштары i манастыры Беларусі, як асобны i адмысловы тып манументальных комплексаў, упершыню быў уведзены ў навуковы зварот Аленай Дзмiтрыеўнай Квiтнiцкай. Яе публікацыi па найбольш каштоўных помніках храмавага дойлідства Беларусі дагэтуль з'яўляюцца базавай навуковай асновай па вывучэнні гісторыі архітэктуры і мастацтва абшараў былога ВКЛ.

Ключавымі працамі па культаваму дойлідству на тэрыторыi Беларусі, значная частка помнікаў якога ўваходзіла ў склад кляштарных ансамбляў i якiя з'яўляюцца працягам гэтага кірунка даследаванняў А. Квiтнiцкай - гэта манаграфii, навуковыя даследваннi i публiкацыi А. М. Кулагіна, Т. В. Габрусь, I. М. Слюньковай, А. М. Кушнярэвiча, Ю. А. Якiмовiча, С. Адамовiч, Ул. Трацэўскага, Т. І. Чарняўскай, А. Яроменкi, В. Кудрашова, I. Б. Лауроўскай - ансамблi i асобныя культавыя пабудовы, Ю. А. Чантурыя, М. А. Ткачова (кнігі і навуковыя публікацыі па гісторыі архітэктурна-планіровачнага развіцця асобных гарадоў, вывучэнне i апiсанне градафармiруючай ролі помнікаў манастырскага дойлідства ў сістэме паселішчаў).

Асабліва каштоўныя графічныя матэрыялы па згубленым помнікам - гэта калекцыя фотаздымкаў канца XIX - пачатку XX ст., апiсаннi i фотаграфiчны матэрыял Кс. Язафата Жыскара, Яна Булгака, Яна Балзункевiча i iнш.

Графiчны матэрыял, выкарыстаны i ўведзены ў навуковы зварот у манаграфiях i публiкацыях даследчыкаў - з фондау Расейскага дзяржаўнага Гiстарычнага архiва (РГИА), архіва ВМФ Расеі, Расейскага дзяржаўнага архiва старажытных актаў (РГАДА), Расейскага дзяржаўнага ваенна-гiстарычнага архiва (РГВИА), Цэнтральнага гiстарычнага архiва Рэспублікі Беларусь, рукапісных аддзелаў Віленскага дзяржаўнага Універсітэта і Бібліятэкі Акадэміі навук Летувы, НГАБ у Горадні i iнш.


Вынікі і падтрымка

Геаграфічныя межы працы пакуль вызначаюцца межамi сучаснай тэрыторыі Беларусі.

На бягучы момант апрацаваны 48 аб'ектаў

    • Гарадзенская (7) — Асташын, Ашмяны, Бераставіца Вялікая, Горадня, Лапеніца Вялікая, Новагародак, Слонiм
    • Гомельская (1) — Мазыр (Кiмбараўка)
    • Берасцейская (7) — Берасце, Бяроза, Быцень, Гарадзiшча, Лыскава, Iмянiн (Таракань), Пiнск
    • Віцебская (15) — Асвея, Белая Царква, Валынцы(Забелы), Вiцебск, Глыбокае (Беразвечча), Губіна, Друя, Орша, Полацк, Селiшча, Смаляны, Сянно, Тадулін (Янавiчы), Ушачы, Чашнiкi
    • Магiлеўская (9) — Бабруйск, Глуск, Княжыцы, Магiлёў, Мсціслаў, Сялец, Чавусы, Шклоў, Фашчаўка
    • Менская (9) — Гайна, Зембiн, Клецк, Койданава, Менск, Нясвiж, Слуцк, Смiлавiчы, Стоўбцы
          Скрыншот
          Звязаныя лакацыі
          Карта
          Тэмы
          Гэта кэшаваныя старонка. Апошняя сінхранізацыя з базай - 02.04.2024 20:10:06

          Каментароў — 0

          Маеце пытанне ці заўвагу? Напішыце ў каментары. Звяртаем увагу, што каментары са спасылкамі і ад неаўтарызаваных аўтараў прэмадэруюцца.

          Відэакурсы па этнаграфіі

          Самы час вучыцца анлайн! Нашы відэакурсы размешчаны на адукацыйнай платформе Stepik.org і акрамя відэа утрымліваюць праверачныя тэсты для самакантролю.

          Запісацца

          Выкладчык: Уладзімір Лобач

          Аб’ём: 70 урокаў, 14 гадзін відэа, 127 тэставых пытанняў

          Курс прапануе паглыбленае азнаямленне з этнічнай гісторыяй і этнакультурнай спецыфікай Беларусі. Прадстаўлены лекцыі па раздзелах і тэмах вучэбнай праграмы "Этнаграфія Беларусі", якая выкладаецца аўтарам у Полацкім дзяржаўным універсітэце.

          Запісацца

          Выкладчык: Зміцер Скварчэўскі

          Аб’ём: 13 урокаў, 2 гадзіны відэа, 100 тэставых пытанняў

          Сярод разнастайных аспектаў беларускай міфалогіі, прадметам курсу абраны персанажны код: боствы, духі, дэманічныя істоты, героі і т.п.


          Сайт створаны ў навуковых і адукацыйных мэтах. Усе правы на згаданыя публікацыі належаць іх праваўладальнікам.
          © 2017-2024 ЭТНАЎСЁ - медыятэка па этнаграфіі Беларусі - інфармацыйнае напаўненне