Аўдыётэка → Аўдыё выданне:

2023 - Песні вёскі Хатынічы [інтэрнэт]

Героі гэтай складанкі - бясконцая крыніцы цяпла і гумару. Вясёлыя, добрыя і жыццярадасныя жанчыны і спявачкі з вёскі Хатынічы. Гэта не гурт, а нейкі стракаты букет дзяўчат-рагатушак. Праўда большасці з гэтых “дзяўчат” каля 80 год.

Хатынічы - вялікая вёска ў Ганцавіцкім раёне. Калісьці вакол была непралазная багна, а мясцовыя жыхары маглі патрапіць на “вялікую зямлю” усяго некалькі месяцаў на год. Сёння ўсё змянілася і нешмат нагадвае знакамітыя здымкі Ісака Сербава і Міхася Раманюка. Але і цяпер старэйшыя хатыненкі крэпка трымаюцца свайго - у звычаях, адзенні, мове і канешне ў спеве.

Аснова складанкі - спевы тутэйшага гурта "Хатовічы”, зробленыя падчас экспедыцыі “Студэнцкага этнаграфічнага таварыства” па Ганцавіцкім раёне ў ліпені 2015 года. Пасля было яшчэ некалькі выпраў у Хатынічы, апошняя ў кастрычніку 2023 года.

Апроч спеваў гурта сюды ўвайшлі песні ў выкананні асобных спявачак: дуэт Кацярыны Іванаўны і Ганны Васільеўны Ярашэвіч, сольныя спевы Вольгі Фёдараўны Кот, Ганны Васільеўны Шамрылы, Кацярыны Іванаўны і Ганны Васільеўны Ярашэвіч. Нам было важна пазнаёміць слухача не толькі з яскравым і магутнымі спевам “Хатовіч”, але і паказаць хараство галасоў паасобку.

За 45 год існавання склад гурта паступова змяняўся. На змену старэйшым спявачкам прыйшлі маладзейшыя. Але цяпер упэўнена можна казаць, што “Хатовічы” сёння - гэта апошняе пакаленне жанчын, для якіх мясцовы спеў - натуральны гукавы фон, у якім яны раслі і фармаваліся. Спяваць для іх як дыхаць.

Гэтая складанка - падзяка фантастычным жанчынам і спявачкам. Упэўненая, што іх галасы падараць шмат радасці і натхнення нават неабазнанаму слухачу.

Складанку падрыхтавала Марыя Варахоб.

За дапамогу вялікі дзякуй Алесю Варахобу, Уладзіміру Кандраценю і Яўгену Барышнікаву. Асобная падзяка шматгадовай кіраўніцы гурта “Хатовічы”, цудоўнай Таццяне Іванаўне Буйкевіч.

Прыемнага праслухоўвання!

1. Ой, попе, попе, бацько наш
2. Восень моя цяжкая
3. Ой там, там на горэ дробны дожджык ідзе
4. Да цяпэр Купайло, заўтра Ян
5. Ой пойду я под ліпоньку, ой пойду я
6. Патрова ночка нівалічка
7. Да крута тая да дорожонька
8. [Ой борэм] борэм, да боровіною
9. Ехало Купайло на коне
10. Патро, да й Патро з Яном страчаюцца
11. Ой дожджык ідзе, до дубчыка ліпне
12. Зіма вэсну запытала, ці ты Юр’е не встрачала?
13. Ой ляцела золь-золянька цяраз круту гору
14. Лю-лі, лю-лі, лю-лі спаць, а я буду колыхаць
15. Ой дай Божэ цёплае лето
16. Ой за сеньмі, за сенячкамі
17. Ой пойду я гукаючы
18. Ой з-под лесу, з под горыда
19. Дзякуй ж богу, што з родом зышласа
20. Каліна-маліна, чырвона ягода
21. Ой, хто кажэ шчо мой муж добры
22. Косец, на болоце косец косіць
23. Жніце, жніце, жыто ня пожата
24. Ой пора, да вжэ ж пора до дому
25. Чэшэ, чэшэ козак кудры, а дзяўчына косу
26. Із-пыд дуба, дубочка ж, выходзіла ўдова
27. Да пойдзеш Манёчка ў чужые людзі
28. По ўсём свету нова-новіна
29. Дзе мы ходзілі, дзе й ні ходзілі
30. Ні болела голова, а я прытаіласа

• Песні вёскі Хатынічы: прэм'ера складанкі (аўдыё)
  https://set.ethno.by/?p=7365

• Беларускія фальклорныя архівы (БФА), музычная сэрыя

• Гурт "Хатовічы" (Беларусь)
• РМГА Студэнцкае Этнаграфічнае Таварыства (СЭТ)

• Варахоб (Лук’янава) Марыя

• 2023

• аг. Хатынічы, Ганцавіцкі раён (Хотыничский c/c), Брэсцкая вобласць, Беларусь
• Ганцавіцкі раён, Брэсцкая вобласць, Беларусь
• Брэсцкая вобласць, Беларусь
• Беларусь

• песні
• песні абрадавыя
• песні пазаабрадавыя
• песні купальскія
• песні восеньскія
• песні пятроўскія
• песні юраўскія
• песні бяседныя
• песні лірычныя
• песні жніўныя